YO`LLARDAGI YANGILIKLAR

Toshkentda avtomashina piyodani urib ketdi va ustidan bosib o’tdi

24 noyabr kuni, tunda, Toshkentda avtomashina piyodani urib ketdi va u voqea sodir bo’lgan joyda jon berdi.

photo_199134.jpg

YTH Yunusobod tumanida sodir bo’ldi, natijada piyoda halok bo’ldi. Aybdor Toshkent shahri IIBB tezkor xodimlari tomonidan ushlangan.

Toshkent AXY ko’chasida, “Turon” choyxonasi qarshisida o’ttiz yoshli erkak kishi yo’lni kesib o’tmoqchi bo’lgan va Matiz g`ildiraklari ostida qolib ketgan. Avtomobil haydovchisi jabrlangan erkakka yordam bermasdan, uni yotgan holda tashlab voqea joyidan ketib qolgan. IIBB vakilining xabar berishicha, Matiz ortidan kelayotgan Spark haydovchisi yerda yotgan erkakni ko’rmay qolgan va o’z avtomobilida uni bosib o’tgan. Piyoda hayot uchun xavfli jarohatlar olgan va voqea joyida halok bo’lgan.

IIB qoshidagi tergov bo’limi harakat xavfsizligi va transport vositasini boshqarayotgan shaxs tomonidan transport vositasidan foydalanish  qoidalarining buzilishi oqibatida inson o’limiga sabab bo’lgan holat bo’yicha jinoiy ish qo’zg`atdi (O’zbekiston Respublikasi Jinoyat Kodeksining 266 moddasi 2 qismi bilan).