AVTO TA`MIRLASH

Шиномонтажда кандай алдашади

“Tadbirkor” shinomontajchilar muvaffaqiyatining siri nimada? Hammasi oddiy, bizning ishonuvchanligimiz, zarur bilimlar yetishmasligi, epchil emasligimiz va albatta to‘lov qobiliyatiga egaligimizdadir.

shinomontazh.jpg

Ishontirish qobiliyati va minimal psixologik amallarga ega bo‘lgan usta sizni bir pasda bir nechta keraksiz muolajalarni bajarishga osongina undaydi, bu bilan u to‘lov chekini o‘ziga ma’qul ko‘rinishda bo‘lishiga erishadi. Evaziga siz absolyut soz g‘ildiraklarni olasiz, ular avtoservisga kelishingizdan oldin ham shunday soz bo‘lishgan.

Muammolarni izlash

Barchasi ko‘zdan kechirishdan boshlanadi, bu vaqtda mutaxassis yig‘ilib qolgan muammolar haqida gap boshlaydi. Pokrishkalar ham unga yoqmaydi, balansirovka ham buzilgan, diskalarni ham almashtirish kerak, chunki zavoddan kelganlari ishdan chiqay deb qolgan.

Albatta, bir qator muammolar haqiqatan ham mavjud, biroq buni yangi avtohavaskor ham sezishi mumkin, shuning uchun mutaxassisning barcha takliflariga darrov rozi bo‘lmaslik kerak, bu hamyonga foyda bo‘ladi.

Har bir ish uchun alohida to‘lov

Mijozni “chuv tushirish” ning navbatdagi usuli – bu ustaning har bir ishiga bo‘lgan to‘lovlarni hisoblashdir. Ya’ni sizga shinalarni diskadan chiqarib olish va ularni qaytadan montaj qilishni bir xizmat turining bosqichlari sifatida emas, balki alohida bir-biriga bog‘liq bo‘lmagan ko‘p mehnatli xizmat turlari sifatida hisoblab berishadi. Buni sizga buzish – qurish emasligi, shinalarni diskaga montaj qilish ularni yechib olishdan ancha qiyin, uzoq vaqt va malaka talab etadigan ish, deb tushuntirishadi. “Portlash” ning o‘zi qancha turadi!!!

O‘z ehtiyot qismlarini sotish

Alohida diqqatga sazovor tomoni shundaki, usta sizga o‘zidagi shina va kameralarni sotib olishni taklif etadi. U buni mavsumiy zaruriyat yoki sizning shinalaringiz ancha eskirib qolgani va avtomobil g‘ildirak qismidagi yomon oqibatlarning oldini olish uchun ularni darhol almashtirish lozimligi bilan tushuntiradi.

Shuni qayd etish lozimki, eskirish haqiqatan ham bor, biroq buning uchun buzilgan balansirovka bilan shinalarni mavsumiy almashtirmasdan yuzlarcha kilometr yo‘l bosish lozim. Boshqa holatlarda esa sizga restavratsiya qilingan pokrishkalarni bozor bahosidan pastroq narxda “tiqishtirishmoqchi” bo‘lishadi, chunki – “aka, o‘zimga oluvdim, biroq menga keraksiz bo‘lib qoldi, sizning mashinangizga esa juda mos keladi”. Xuddi shunday tarzda mahkamlash boltlari, nippellar, dekorativ diskalar va boshqalarni ham sotishga urinishlari mumkin.

Foydasiz almashtirish

Kamerasiz shinalar holatida shinomontajchilar avtomobil egasini ventillarni almashtirish zarurligi haqida ishontirishga harakat qilishadi. Go‘yoki g‘ildirakning bu elementi bir yildan ortiq ishlamas emish. Pokrishka tayyorlovchilar mas’ul odamlardir, ularning bir yil muddatli shinalar yaratishi judayam foydasiz ishlashdir.

Sizning g‘ildiragingiz «sakkizcha» bo‘lib qolgan

Diskalarga yetib borgan ayyor usta ularni dastgohda prokatka qilish o‘ta zarurligini uqdiradi, shunda quyish geometriyasining shikastlari va yashirin yoriqlarni aniqlash imkoni bo‘larmish. Albatta, ushbu muolaja g‘ildiraklaringiz xizmat muddatini biroz uzaytiradi. Biroq hammasi rostdan bo‘lishi uchun ustadan diskalarni yechmasdan unga shubhali bo‘lgan shikastlanishlarni ko‘rsatishni so‘rang. Diskani prokatka qilish jarayonida ishtirok eting, kalibrovka o‘rnatilganiga, balansirovka dastgohi esa “qiyshiq” ko‘rsatkichlarga sozlanmaganligiga ishonch hosil qiling.

Yoqimli, ammo pullik qo‘shimchalar

Xarajatlarning qo‘shimcha moddasi mutaxassisning keraksiz takliflari bilan shakllantirilishi mumkin. Masalan, g‘ildirak boltlarini qandaydir ajoyib antikorrozion aralashma bilan moylash, qalpoqlarni montaj qilish yoki yechib olish, g‘ildirak kamerasini tarkibida deyarli 80% azot bo‘lgan oddiy havo o‘rniga toza azot bilan to‘ldirish,

Ogohlantirilgan – demak qurollangan

Bunday ayyorliklarga ko‘pincha boshlovchi avtomobilchilar, ayollar va avtomobilning tuzilish tamoyillari haqida bilimga ega bo‘lmaganlar uchishlari mumkin.

O‘z avtomobilingizga e’tiborli bo‘ling, uning tuzilishini o‘rganing, servisda sizga taklif qilingan hamma takliflarga rozi bo‘lavermang. Asosiysi, faqat sinalgan mutaxassislarga murojaat qiling, bu sizning avtotransport vositangizning xavfsizligi va saqlanishi garovidir. Bizning Katalogda shinomontaj bo‘yicha mutaxassislar ro‘yxatga olingan. Ular bilan bog‘lanishni siz shundoq bepul olishingiz mumkin.

shinomontaje.jpg