Toshkent IIBB YHXB vakillarining xabar berishicha yaqin kunlarda har bir ro‘yhatdan o‘tgan avtoegalarning o‘z avtosi ishtirokida YTX qoidabuzarligi haqida bilishi mumkin bo‘lgan sayt ishga tushadi.
30 mart kuni Ichki ishlar Bosh boshqarmasida brifing bo‘lib o‘tdi va uning davomida boshqarma inspektori mayor Alisher Abduqodirov jurnalistlarga quyidagilarni ma’lum qildi: “Saytda ro‘yhatdan o‘tish va shaxsiy kabinetni ochish uchun avtoegalari o‘zlarining pasport ma’lumotlarini va telefon raqamini ko‘rsatishlari zarur bo‘ladi. O‘zining shaxsiy kabinetida foydalanuvchi kameralar qayd etgan qoidabuzarlik va belgilangan jarimalar haqida bilib olishi mumkin”.
Saytning ishga tushirilish aniq sanasini YHXB vakillari ma’lum qilmadilar. Shuningdek, kutilayotgan resurs foydalanuvchilar uchun qo‘shimcha yana qanday funksiyalarni taqdim etishi hozircha ma’lum emas.
Bundan tashqari, IIBB ma’lumotlariga muvofiq yaqin kunlarda videofiksatsiya kameralari bilan jihozlangan chorrahalariga stop-chiziq belgili belgilar o‘rnatiladi. Ko‘rsatuvchi belgi STOP yozuvi bilan belgilangan bo‘ladi. Belgili belgi poytaxtning barcha chorrahalarida paydo bo‘ladi va svetoforning qizil chirog‘i va yo‘naltiruvchining taqiqlovchi signalida avtotransportning to‘xtash joyini belgilab beradi.
Toshkent yo‘llaridagi belgilarni yangilash bo‘yicha ishlar davom etmoqda.
Yo‘llardagi kameralar haydovchilar tomonidan noroziliklarni keltirib chiqardi. Shu vaqtning o‘zida IIBB vakillari kameralarning ikki hafta ishi mobaynida 45 mingta YHQ buzilishlari qayd etilganligi haqida ma’lumot berdilar. 26 mingta qoidabuzarlik – taqiqlovchi signalga o‘itish, 19 mingta – tezlikni oshirib yuborish.
“Ma’lumki, qoidabarliklarlar ancha kamaydi, haydovchilar yo‘llarda ancha hulqli va tartibli bo‘lib bormoqda. Masalan, agar bir hafta ko‘rsatkichlarini oladigan bo‘lsak, 8 mingdan oshiq YHQ buzilishlari qayd qilingan bo‘lsa, qolgan 37 mingtasi esa kameralarning birinchi ish haftasiga YHQ buzilishlariga to‘g‘ri kelmoqda. Ya’ni, natija yaqqol ko‘rinib turibdi. Bu esa o‘z navbatida avariyalarning, hamda yo‘llardagi o‘lim sonini kamayishiga olib kelmoqda” – deb ma’lumot berishdi IIBB xodimlari.
IIBB YHXB kompyutr markazi boshlig‘i podpolkovnik Shuxrat Muratov shuni ta’kidlab o‘tdiki, joriy yilning iyun oyiga videofiksatsiya tizimi ko‘proq qoidabuzarliklarni qayd qiladi. Bu qoidabuzarliklar qatoriga u quyidagilarni kiritdi – rulda mobil telefondan foydalanish, taqilmagan kamar, taqiqlangan burilishlar va boshqa YXQ buzilishlari.
Hozirgi kunda kameralar ikki turdagi qoidabuzilishlarni (svetofor, tezlik) qayd etmoqda. Qoidabuzilishlari haqidagi ma’lumotlar markaziy server yuboriladi va undan so‘ng pochta bo‘linmalariga tarqatiladi. Pochtalonlar avtoegasiga xatni shaxsan o‘z qo‘llariga topshirishlari kerak. IIBB boshlig‘i o‘rinbosari Doniyor Toshxodjayev yana shuni ham ta’kidlab o‘tdiki, haydovchilar o‘z avtolarining texpasportlarida haqiqiy yashash joylarini ko‘rsatishlari zarur. Agar adresat xabarnomani o‘z vaqtida olmasa, u holda jarimani o‘z vaqtida to‘lay olmaydi. Xat yuborilgan kundan boshlab 60-kunlik muddat o‘tib bo‘lgandan so‘ng esa avtomobil jarima maydonida paydo bo‘lishi mumkin.
