2019 yildan boshlab (aniq sanasi ma'lum qilinmagan), “O‘zavtosanoat” AK Tracker avtomobillarini seriyali ishlab chiqarishni va Cobalt markasi ostidagi avtomobillarning modernizatsiyalangan turlari liniyasini joriy etadi.
O‘zbekiston Respublikasi Prezidenti Shavkat Mirziyoevning Koreya Respublikasiga davlat tashrifi davomida “O‘zavtosanoat” kompaniyasi Seul bilan kelishuvga erishdi.
Shuningdek, ushbu kelishuv doirasida, maqsadli segment xarid qobiliyati hisobga olingan holda mototsikllar va motorollerlar ishlab chiqarila boshlanadi. Transport vositalari, avvalo, qishloq xo‘jaligi ehtiyojlariga qaratilgan bo‘ladi va harakatlanishning optimallashuviga va yuk tashish ergonomikasining ortishiga yo‘naltiriladi. Yangi e'lon qilingan Tracker avtomobilining texnik tavsifi ushbu transport vositasidan kundalik foydalanish uchun yetarlicha optimaldir. Tashqi dizayni ko‘zimiz o‘rganib qolgan milliy krossover – Captivaga o‘xshab ketadi.
“O‘zsaavtosanoat” bayonotiga ko‘ra, Chevrolet Tracker kichik yo‘ltanlamasiga quvvati 140 o.k.li 1.8 litrli dvigatel o‘rnatiladi.
O‘rtacha hisobdagi yoqilg‘i sarfi 100 km.ga 8,1 l. Bu, hozirgi mahalliy avtomobillarga solishtirganda, bir oz kamroqdir. Shunday esa-da, oxirgi paytlardagi yoqilg‘i narxidagi o‘zgarishlarni inobatga olganda, yangi avtomobil ancha foydaliroq bo‘lib chiqadi. Albatta, agar narxi mantiqqa muvofiq bo‘ladigan bo‘lsa – milliy avtosanoatdagi yangi avtomobilga narx belgilashning an'anaviy tartibiga amal qilinmasa, bo‘ldi.
Allaqachon ishlab chiqarilayotgan Cobalt markasini modernizatsiyalash liniyasi ichki va tashqi bozorlarda bu model jozibadorligini oshirish uchun ushbu atvomobil sifat ko‘rsatkichlarini oshirishga yo‘naltirilgan. Bu chora “GM Uzbekistan”ning eksport salohiyatini kuchaytirishga qaratilgan.
Loyiha Asaka avtozavodi bazasida, to‘liq texnologik sikl bo‘yicha, ishlab chiqarish mahalliylashtirilishini 50%dan ziyodga chiqarish orqali amalga oshiriladi.
Shunday qilib, bir yildan keyin o‘zbek avtomobillarining model qatori yana bittaga boyiydi. Yangi avlodga mansub ixcham yo‘ltanlamas qanchalik qiziqarli chiqadi, buni jonajon va ishonchli “Lasetti”, “Neksiya” va “Kaptiva”larni haydab ko‘rib xulosa chiqarishimiz mumkin.
Professional avtoustalar yordamiga Ustabor.uz yordamida murojaat qiling.
