Garaj – bu erkaklar sevadigan, ba’zida ayollarni asabiylashtiradigan so‘zdir. Bu yerda avtomobil egasining “sevgan qaldirg‘ochi” turadi, bu yerda kishi ta’mirlash va texnik ajooyibotlar yaratish bilan vaqt o‘tkazishni yoqtiradi.
Garajda vaqt o‘tkazish yoqimli va foydali bo‘lishi mumkin. Xususan, agarda unda hech narsa yo‘qolavermasa. Garaj tokchalari har xil ehtiyot qismlar va mayda-chuydalarni tartib bilan va o‘z o‘rinlarida saqlash imkonini beradi.
Yechimni amalga oshirishning uchta usuli:
1. Tayyorini sotib olish:
plyuslar:
- tez;
minuslar:
- o‘rnatish kerak,
- qimmat,
- qo‘yilgan barcha maqsadlarga javob bermaydi.
2. Mutaxassisga buyurtma berish:
plyuslar:
- mutaxassis sizning orzuingizni sizning maketingiz bo‘yicha tayyorlaydi;
- ustalarning ishlari va ular bilan bog‘lanishlarni bizning Katalogdan topishingiz mumkin;
minuslar:
- qimmat.
3. Mustaqil ravishda tayyorlash:
plyuslar:
- loyihalash va yasash vaqtida barcha narsalar hisobga olinadi;
- zarur hollarda, o‘zgarishlar, qo‘shimchalar kiritiladi;
- ta’bga qarab material tanlanadi;
minuslar:
- tajriba, ustalik yetishmasligi;
- uzoq vaqt.
Agar siz uchinchi variantda to‘xtasangiz – tokchalarni mustaqil yasamoqchi bo‘lsangiz, unda tajribali konstruktorlarning maslahatlaridan foydalaning.
Tayyor yig‘ma konstruksiyalar
Tanlov uchta so‘z bilan ifodalanadi - tez, oddiy, qimmat. Alyumin, po‘lat modullardan karkas bir nacha soat ichida yig‘iladi. Afzalliklari – osma yoki pol ustida turuvchi shkaf yasashingiz mumkin.
Shuningdek eksklyuziv variantlar bo‘lishi mumkin:
- ko‘chma – g‘ildirakchalarda;
- polkalar soni va balandligini o‘z ixtiyori bo‘yicha o‘zgartirish imkoniyati mavjud konstruksiyalar;
- aylanuvchi – kichik asboblar va detallar uchun to‘g‘ri keladi;
- aravachada – katta jihozlar uchun.
Oddiy materiallardan fantaziyalar
Qo‘l ostingizda nma bo‘lsa, o‘shani oling: mos keladigan uzunlikdagi quvur bo‘laklari, ugoloklar, fanera, DSP, plastik bo‘laklari. Ulardan polkalar yasashga urinib ko‘ring, keyinchalik garaj devorlariga mahkamlang. Tortib chiqariladigan qutilar o‘rniga gorizontal yotqizib qo‘yilgan, old qismi kesilgan plastik kanistralar to‘g‘ri keladi.
Metalyog‘och konstruksiya
talab etiladigan material:
- metal karkas, bunga KNAUF profili judayam mos keladi;
- kronshteynlar;
- pol usti taxtasi (xohishingizga qarab) – yog‘och, fanera, plastik;
- shuruplar, mixlar, dyubel mixlar.
Zarur asboblar:
- elektrodrel;
- shurupburagich;
- temir arra;
- yog‘och arra;
- bolg‘a;
- bolgarka;
- shayton;
- ruletka;
- o‘lchov burchagi;
- bo‘r, qalam, marker.
Tayyorgarlik va yig`ish bosqichlari
- Ishni boshlashdan avval, biroz joy qoldirishni unutmasdan, karkasning o’lchamlarini hisoblab chiqing. Konstrukstiya mashina kirishiga, shuningdek issiqlik va elektr manbalaridan erkin foydalanish imkoniyatini cheklamasligiga ishonch hosil qiling.
Diqqat! Temir karkas bilan elektr simining bir - biriga tegishini oldini oling, hatto u izolyastiya qilingan bo’lsa ham!
Ochiq javonning joylashish sxemasini chizib oling, bo’lmalar sonini quyidagi formula bo’yicha hisoblab chiqing: X bo’lmalar soni + 1 x 2 oddiy hisoblab chiqiladi: tayanch, bo’lma, tayanch, bo’lma ... tayanch.
- Tik va yon qismlarini kesib oling. Mahkamlagich va tortgichlarni parchinlash orqali yoki bolt yordamida qotirgan ma’qul. Aylanma mixlar unchalik ham samarali emas.
- Javonlar uchun zichlangan paraxadan yasalgan taxtalardan foydalanish tavsiya etilmaydi – chunki ular ustiga katta og`irlik bilan bevosita bosim o’tkazilganda qarshilik kuchi past bo’ladi. 9 - 12 mm qalinlikdagi qo’pqatlamli fanera ancha mustahkamroq bo’ladi. Ustiga ma’lum miqdorda og`irlik qo’yish mumkin bo’lgan DSP kengligi ko’pi bilan 55 - 60 sm. Garchi zichlangan paraxadan yasalgan taxtalarning ham chetlariga gardish - qoplama bilan ishlov berib uning og`irlik ko’tarish darajasini oshirish mumkin.
- Yig`ishni tik tayanchlarni o’rnatishdan boshlang. Ularni uzun yo’g`on aylanma mixlar yoxud rezbasiz dyubel mix bilan devorga, polga va shiftga mahkamlang. Keyin karkasning yon tomonlarini qotiring va javonlarni joylashtirib chiqing.
Bir tekis turishini yuza tekisligini aniqlaydigan asbob va burchak bilan to’g`rilashni yoddan chiqarmang. Tokchali ochiq javonni o’zingiz yig`sangiz ham yoki mutaxassislarga buyurtma bersangiz ham, bajarilgan ishlar fotosuratlari joylashtirilgan ustalar To’plami loyihalarni amalga oshirishda Sizga zo’r g`oyaviy ilhom bag`ishlaydi.
