Qish nafaqat hamma yoqni muzlatib keldi, balki yana “sovuqdan qotiradigan” yangiliklarni ham olib keldi. Birinchi eng yangi qish yangiligini kutib oling: YHQ BUZGANLIK UCHUN JARIMALAR SUMMASI OSHDI.
Noyabr oyida haydovchilar benzin narxining birdaniga ko‘tarilib ketganidan hayratga tushishgan edi. 1 dekabrdan esa byudjet tashkilotlari minimal oylik maoshlari, pensiyalar va stipendiyalar 1,15 barovarga oshirildi. Shunga mutanosib ravishda, YHQ buzganlik uchun jarimalar miqdori ham oshdi, chunki u minimal oylik ish haqi bilan bog‘liq.
Shunday qilib, remen uchun jarima 34 448 so‘m gacha oshdi.
Ro‘yxatga olinmagan, texnik ko‘rikdan o‘tmagan, boshqarish imkoniyatini bermaydigan nosozliklari mavjud, yuqori darajada shovqin va chiqindili transport vositalarini boshqarganlik uchun 86 120 so‘m miqdorida jarima to‘lashga to‘g‘ri keladi.
Tormoz tizimida, rul boshqaruvida, ilashish uskunasida nosozliklar mavjud bo‘lgan avtomobilni boshqarganlik uchun endi 172 240 so‘m jarima to‘lanadi. Maxsus ruxsatnomasiz tizimlarni qayta jihozlaganlik uchun ham xuddi shu summani to‘lash lozim bo‘ladi.
Telefon uchun jarima 344 480 so‘m gacha oshdi, takroran qoida buzganlik uchun – 516 720 so‘m yoki yarim yilga haydovchilik huquqidan mahrum etish.
Svetoforning ta’qiqlovchi signalida va regulirovkachining ishorasida o‘tib ketish – 344 480 so‘m. Takroran qoida buzilsa (bir yil ichida) – 861 200 so‘m, keyinchalik – bir yilga haydovchilik huquqidan mahrum etish.
Telegram dagi bizning kanalga obuna bo‘ling, va barcha yangiliklardan xabardor bo‘ling.
